Benvenguda al CCOR !

Lo Centre Cultural Occitan de Roèrgue a per tòca la difusion de la lenga e de la cultura occitanas e l’animacion del Roèrgue occitan.

Del 1er octobre al 30 de octobre,

la botiga serà dobèrta

los dimars, dimècres, dijòus e divendres

de 14h à 18h.

Per que viscan la lenga e la cultura occitanas !

Lo CCOR

Lo Centre Cultural Occitan de Roèrgue (CCOR) es una associacion de lei de 1901, creada en 1979. Lo CCOR es agreat al títol de la joventut e de l’educacion populara dempuèi 1985. Es sòci de l’Institut d’Estudis Occitans reconegut d’utilitat publica (1949) e d’educacion populara (1986), que n’es lo cèrcle rodanenc.

Objècte

  • Promocion, difusion e defensa de la lenga e de la cultura occitanas dins totes los domenis.
  • Animacion del Roèrgue Occitan a partir de la coneissença, de la compreneson e de l’enriquiment d’una cultura occitana passada e presenta.

Lo CCOR ten sesilha al dintre de maitas associacions (Aveyron Culture, a l’Institut Occitan d’Aveyron…). Participa amb l’ensemble de las associacions occitanas a las diferentas manifestacions de promocion de la lenga e de la cultura occitanas, en Avairon e endacòm mai, notadament a las Assisas de la Cultura Occitana per fin de definir un encastre reglamentari pel desvolopament de l’occitan dins l’ensenhament, los mèdias, la vida publica… Lo CCOR vòl uèi perseguir e desvolopar sas accions d’animacion a l’entorn de la cultura occitana e capitalizar sul succès sens parièr de l’Estivada per far d’Avairon un territòri d’excelléncia per la lenga e la cultura occitanas.

Botiga

 

La botiga del CCOR, L’Ostal del Patrimòni, prepausa de vendre maites articles ligats a la cultura occitana : libres, CD, DVD, mas tanben vestits et accessòris variats. Podètz comandar en linha, o nos passar véser plaça Foch a Rodés !

Actualitats

Eveniments venents

Pas d'événements dans la liste pour le moment

Activitats

Las activitats del CCOR son variadas e s’espandisson sus l’ensemble del departament d’Avairon :

  • Cants, contes occitans e franeses pel club dels Ainats, los ostals de retirada, comitats d’animacion, escòlas…
  • Organizacion d’un estagi de cants, danças e musicas tradicionalas en agost.
  • Edicion d’una revista trimestrala en occitan : L’Esquilon.
  • Participacion a totas menas de manifestacions de promocion de la cultura occitana, en Avairon o dins los departaments vesins, mas tanben a Tolosa o a París, prepausant son banc de libres, CD, DVD, accessòris : Estivada de Rodez, fèstas del libre, fèstas de las lengas, exposicions…
  • Participacion a mai d’una emission de ràdio, una emission setmanièra sus Ràdio Totèm, tantplan coma d’emissions poncutalas sus Ràdio Temps Rodés.
  • Animacions amb l’IOA (Institut Occitan d’Avairon) : difusion dels obratges Al Canton e velhadas e conferéncias sul patrimòni.

Als costats de l’IEO 12

En partenariat amb l’IEO 12, lo CCOR organiza :

  • De corses de lenga occitana per adultes, començaires e confirmats.
  • La « Prima Occitana » sus una comuna del Grand Rodés, una mesada d’animacions e de sensibilizacion a la cultura occitana, qu’acampa municipalitat, escòlas, associacions e populacion a l’entorn de mòstras, de conferéncias, de concèrts, de representacions teatralas, d’espectacles, de velhadas…
  • La « Descobèrta d’una òbra », e d’un autor occitan, de rencontres bimestralas a l’Ostal del Patrimòni.
  • De passejadas contadas per descobrir las legendas trahcas de las òbras de Bodon, Mouly…
  • La Dictada Occitana, annadièra, obèrta a totes.

L’Ostal del Patrimòni

Lo CCOR gerís l’Ostal del Patrimòni, plaça Foch a Rodés, un luòc qu’assegura la promocion, la difusion e la vulgarizacion de la cultura occitana, tanben centre de ressorsas e de documentacion, luòc d’exposicion e botiga. Aculhís lo sèti social de mai d’una associacion, notadament : CCOR, IEO 12, Variétés Locales 12ADOC 12

Velha e engatjaments

Enfin, en partenariat amb las autras associacions occitanas del territòri, lo CCOR mèna d’activitats comunas e assegura una velha permanenta sus:

  • La preséncia de la lenga e de la cultura occitanas dins l’ensenhament, los mèdias, la vida publica e culturala.
  • La mesa en plaça de las resolucions sortidas de las Assisas de la Cultura Occitana (desvolopament de l’ensenhament bilingue dins l’Educacion Nacionala, desvolopament de las Calandretas, senhaletica bilingua, projècte bèl d’animacion federator dels diferents actors de la cultura occitana d’Avairon…)
  • Lo seguit de la proposicion de lei sus las Lengas e Culturas Regionalas.
  • La participacion a las manifestacions organisadas per « Anem Oc per la lenga occitana ».

Centre de Ressorsas

Lo CCOR bòta a disposicion del public un centre de ressorsas que compren un fons documentari constituit d’obratges ancians que se tròban pas sul mercat amai d’un servici de prèst de libres. L’accès a aqueles servicis se pòt far als oraris d’obertura de la botiga del CCOR. Es gratuit pels aderents de l’IEO/CCOR a jorn de lor escotisson. Los que son pas aderents e que vòlon çaquelà aver accès al Centre de Ressorsas n’an tanben la possibilitat, pel biais d’una carta annadièra de 10 €, desliurada directament pel CCOR. Lo CCOR aquò’s tanben de benevòls, disponibles per vos ajudar e vos conselhar dins vòstras recèrcas, vos acompanhar sus de trabalhs de revirada, l’organizacion d’animacions… Trantalhetz pas, demandatz !

L’Esquilon

Lo Centre cultural occitan de Roèrgue edita L’Esquilon, una revista trimestrala. Aquela revista principalament en lenga occitana es difusida alprèp dels aderents del CCOR e de l’IEO12. La revista es tanben largament obèrta a las personas exterioras que vòlon publicar d’articles en lenga occitana. L’Esquilon constituís un ligam important entre las associacions occitanas e assimiladas, mas tanben e mai que tot amb lors membres. Participa aital a la promocion de las activitats e manifestacions organizadas al plan departamental pel CCOR, e mai generalament a la promocion de la lenga e de la cultura occitanas dins la nòstra region. Abonament : 10€ per an

Nos trobar

Centre Cultural Occitan de Roèrgue

Ostal del Patrimòni

Plaça del Marescal Foch

12000 RODÉS

44.349099, 2.573176 / 44°20’56.8″N 2°34’23.4″E

Dimars : 10h-12h e 14h-18h

Dimècres : 14h-18h

Dijòus : 10h-12h e 14h-18h

Divendres : 10h-12h e 14h-18h

Dissabte : 10h-12h

Centre Cultural Occitan de Roèrgue

Ostal del Patrimòni

Plaça del Marescal Foch

12000 RODÉS

Contacte

Nos podètz jónher per telefòne, email, o en vos servissent del formulari çai-jos.

Telefòne

05 65 68 18 75

15 + 11 =

X