Description
Revirada occitana (auvernhat) de Joan-D. Ros
Los Comandaments fuguèron escriuts sobre la paret enquintranada en grandas letras blanchas que se podián legir trenta pas d’alai. Disián coma aquò :
LOS SÈT COMANDAMENTS
- Tot çò que vai sobre doas chambas es enemic.
- Tot çò que vai sobre quatre chambas o z-a d’alas es amic.
- Ges de bèstia portarà pas vestits.
- Ges de bèstia durmirà pas en lèit.
- Ges de bèstia beurà pas alcoòl.
- Ges de bèstia tuarà pas una autra bèstia.
- Totas las bèstias son egalas.
Lo celèbre Animal Farm de George Orwell, un dels melhors contes filosofics jamai escrichs. Jove o adult, cadun i tastarà un plaser vertadièr, que se pòt legir coma un conte animalièr viu e colorat tant coma una satira politica ferotja.