Description
Flame folclòre ! Lo duò Cocanha ven agitar nòstre rapòrt al folclòre, aquela nocion culturala marcada per de tabós. Per las doas musicianas – Lila Fraisse e Carolina Dufau –, es un espaci politic de tornar investir : lo folclòre per se situar, se racontar, donar una ressonància actuala als mites exotics e als fantasmas d’autenticitat.
Las musicas tradicionalas occitanas son a la font de la creacion. De fragments e motius collectats emanan de melodias e de tèxtes originals, dins de jòcs de composicions, de transformacions e d’adaptacions. I evocam de memòrias subversivas occitanas tant coma de luchas actualas.
Cocanha contunha sas experimentacions sonòras amb la votz e los tamborins de còrdas, e s’inscriu dins una foncion : la de far dançar, d’amassar, de donar l’impulsion d’una lucha joiosa, la de reapropriacion del ben comun e del seu partatge. Lo cant se fa alara cronica del present, un sòmi desvelhat, un acte incarnat, una proposicion per abitar.
Flame folclòre ! Le duo Cocanha vient agiter notre rapport au folklore, cette notion culturelle empreinte de tabous. Pour les deux musiciennes – Lila Fraysse et Caroline Dufau –, c’est un espace politique à réinvestir : le folklore pour se situer, se raconter, donner une résonance nouvelle aux mythes exotiques et aux fantasmes d’authenticité.
Les musiques traditionnelles occitanes sont à la source de la création. De fragments et motifs collectés émanent des mélodies et des textes originaux, dans des jeux de compositions, de transformations et d’adaptations. On y évoque tant des mémoires subversives occitanes que des luttes actuelles.
Cocanha continue ses expérimentations sonores avec la voix et les tambourins à cordes, et s’inscrit dans une fonction : celle de faire danser, de rassembler, d’alimenter une lutte joyeuse, celle de la réappropriation du bien commun et de son partage. Le chant devient alors une chronique du présent, une rêverie éveillée, un acte incarné, une proposition pour habiter.
- Remenanuèch
- Fòrabanda
- Adissiatz palhassonaire
- Clam
- La majorana
- Au nòst’ casalòt
- Diuré tremblar
- Diuré samsir
- A l’amistat
- Flame folclòre
- Lo mes de mai
- Jana d’Aimet
