Aderir al CCOR

Cossí aderir ?

Per aderir al CCOR, vos sufís de clicar sul boton « Descargar lo bulletin d’adesion » en bas d’aquesta pagina e de lo nos tornar mandar acompanhat del vòstre chèc a CCOR, Ostal del Patrimòni, Plaça del Marescal FOch, 12000 RODÉS. De per abans, asseguratz-vos d’aver plan legidas las explicacions que concernisson l’organizacion del CCOR e de l’IEO que vos donam çai-jos.

Montant de l’escotisson annadièr

 

L’escotisson al CCOR se monta a :

  • 30 € per las personas fisicas
  • 38 € per las personas moralas

Nòta : Una associacion pòt èsser aderenta a l’IEO e possedís una votz a las diferentas Amassadas Generalas.

 

Cossí fonciona aquò ?

 

Per fin d’aumentar sos mejans d’accion, lo CCOR se faguèt sòci de l’Institut d’Estudis Occitans (IEO). L’Institut d’Estudis Occitans es una associacion creada en 1945 qu’a per tòca lo manten e lo desvolopament de la lenga e de la cultura occitanas dins son ensemble. L’IEO es una associacion de lei de 1901 reconeguda d’utilitat publica (1949) e agreada Joventut e educacion populara (1986).

L’IEO es organizat e estructurat segon :

  • Un nivèl local. En Avairon, son de cèrcles locals : Espaliu, Vilafranca de Roèrgue e per Rodés lo CCOR.
  • Un nivèl departamental. L’Institut d’Estudis Occitans d’Avairon (IEO 12) es installat a l’Ostal del Patrimòni e acampa los cèrcles locals.
  • Un nivèl regional. A Tolosa, la seccion regionala Occitània Pirenèus-Mediterranèa de l’Institut d’Estudis Occitans acampa las seccions departamentalas de la region.
  • Un nivèl nacional. L’Institut Nacional d’Estudis Occitans acampa l’ensemble de las seccions regionalas, departamentalas e localas.

Una adesion a una seccion de l’IEO garantís una adesion als autres nivèls. Una adesion al CCOR val donc tanben adesion a l’IEO 12, l’IEO OMP e l’IEO federal.

Dreches de l’aderent

L’adesion al CCOR/IEO garantís :

  • Un drech de vòte a las Assembladas Generalas (del CCOR, de l’IEO 12, l’IEO Regional e de l’IEO Nacional).
  • La recepcion de las revistas Anem Occitans ! editada per l’IEO federal, e L’Esquilon, editada pel CCOR.

De mai, l’adesion al CCOR permet d’accedir a gratis als servicis del Centre de ressorsas e al prèst de libres a l’Ostal del Patrimòni.

X